Match 18 hnuah Knicks an chak

Nimin zing khan New York Knicks chuan San Antonio Spurs 130-118 in an hneh a, NBA regular season bikah mahni khelmuala chak lo zawn rei ber record an nih rual hma deuh chiahin hnehna an chang ve leh ta.

December 1 khan Madison Square Garden-ah Knicks hian hnehna an chang a, a hnu lamah match 18 ngawt an mikhual lakah an tlawm. Spurs hi hneh lo leh ni se la chuan Dallas Mavericks ten 1993-94 season a record an lo siam tawh, mahni muala chak lo zawn rei ber (19 match) record an nihrual chiah dawn a ni.

New York Knicks hian season kal laiah vawi 12 chiah hnehna an la chang a, Eastern Conference-ah 15-na niin a mawngphah luahtu an ni. Spurs erawh Western Conference-a pasarihna nilai niin playoff khel phak dinhmunah an ding mek thung.