Kvitova hnehtu Bencic a champion

Belinda Bencic chuan champion tura rinkai zawk world number 4 Petra Kvitova hnehin Dubai Championship nomawi a chawi a, Switzerland nula hian tennis a khelh hun chhunga WTA title pathum a lakna chiah a ni.

World number 45 Bencic hian 6-3, 1-6, 6-2 in hnehna a chang a, kum 2015 hnulama WTA title hmasa ber a nih avangin atan a hlu zual. Tun inelna bikah hian a zawnin world number 10 chin player pali ngawt a hneh avangin champion a phu hle.

Kum 21 mi Bencic chuan, "January thla khan Australian Open-ah ka ngam lo a, tun ṭuma kan inkhelh hian a tam thei ang ber rang taka ball vuak let zel ka tum a, ka ti hlawhtling thei bawk. Ka taksa a fit theih nan ka thawkrim a, ka champion theihna chhan pawimawh pawh a ni," tiin a sawi.