Mizo MC-in Chhinga Veng leh ATK kaihruai dawn

I League Second Division-ah MPL club Chhinga Veng chuan February 28, Ningaini tlai dar 2:00 hian ATK Reserves an mikhual dawn a, match commissioner tur hi Lalrawngbawla a ni.

Ticket hi Rs 50 man niin Y2Goal Agencies-ah zawr chhuah a ni a, RG Stadium kawtah lei theihin a awm bawk ang.

Chhinga Veng hian match li an khelh tawh aṭangin point 10 an hmu a, group C hmahruaitu an ni mek.

An khingpui tur ATK Reserves hian Mohammedan SC an hneh bakah New Barrackpore Rainbow AC-te an draw theih avangin chetsual theihna a ni.

Chhingcows leh ATK inkhel turah hian AIFF hnuaia Mizo match commissioner hmasa ber Lalrawngbawla, Bungkawn chu MC a ni dawn a, ani hian AIFF hnuaia match 64 lai a kaihruai tawh a. 

I League Second Division pawh Aizawl pawnah chuan enkawl nual tawhin Mizoram chhungah erawh tun ṭum hi a vawi khat kaihhruaina tur a ni ang.