ICC-in India leh Pakistan inkhelhtir tum

Board of Control for Cricket in India (BCCI)-in tun hnaia Pakistan firfiakte chetna avangin World Cup-a Pakistan hmachhawn chungchang an ngaihtuah thu sawi mah se International Cricket Council (ICC) chuan India leh Pakistan inkhel tur tihtawp tumna a awm loh thu an sawi. 

India leh Pakistan hi June 16-ah Manchester khawpuiah inhmachhawn tura tih an ni a, mahse Pulwama-a Pakistan firfiak ho chetna avangin BCCI chuan ICC hi 'firfiak thawhpuitu ram' te nena thawhhona titawp turin an ngen.

Mahse, ICC chuan, "Pulwama chhiatna rapthlak takin a nghawng te zawng zawng kan hre reng a, kan tawrhpui takzet a ni. Cricket hian mi inrem thei lote pawh hruai khawmin a lo inrem tir tawh ṭhin a, he a thil tih theihna hlu tak hi ken tlang zel a nih theih nan theihtawp kan chhuah dawn a ni. 

"Tun dinhmunah chuan World Cup-a match khelh tura ruahman zawng zawng te hi ruahman sa a nih ang ngeiin kaltlangpui kan tum dawn a ni," tiin a sawi.