Miller laka chetsual hlau Joshua

World heavyweight champion Anthony Joshua chuan June 1-a a hmachhawn tur Jarrell Miller chu boxer dang a lo hmachhawn tawh zawng aia a zirchian nasat thu a sawi a, "Chetsual palh a hlauhawm a ni," a ti. 

Joshua chuan, "Boxer ka hmachhawn tur zinga a thusawi, a training dan leh a ngaihtuahna thlenga ka hriat chian hmasak ber a ni hial ang," a ti a, "A lakah hian chetsual ka tum lo," tiin a sawi zui. 

Miller chuan Joshua thusawi hi chhangletin, "Hetiang taka min zirchiang hi mak ka ti lo. Joshua leh Deontay Wilder hian rei tak chhung chu min hliah khuh an tum reng a, ka nin tawpah media hmaah au chhuakin ka lam an rawn hawi ta a ni," a ti a, heavyweight boxer langsar pahnih chu amah huphurhah a ngai!