Lung ṭha lo vangin Andrea Orlandi a chawl

Chennaiyin FC mid-fielder hlui Andrea Orlandi chuan a lung lam ṭha lo avangin inkhelh a chawlhsan thung a puang a, a natna hi Italian club Virtus Entella-a medical a neihnaah hmuhchhuah a ni. 

Swansea City leh Brighton midfielder hlui Andrea Orlandi chuan, "Official taka engkim tih chian a nih hma kha chuan beiseina ka la nei reng a, mahse ka tan inkhelh luih reng a rem ta ngang lo a ni.

"Doctor-in min hrilh tirh kha chuan hrehawm ka ti takzet a, min puitu medical staff zawng zawng chungah lawmthu ka sawi. Operation te neiin inkhelh luih theih chu a ni a, mahse kum 34 mi ka nih tawh avangin a risk a sang em em a ni. Football aiin ka hma hun a pawimawh zawk," tiin a sawi. 

Spanish attacking midfielder hian season ṭan dawn khan Chen-naiyin FC a zawm a, mahse January-ah khan South Indian club hi a chhuahsan a, Virtus Entella panin Italian club-ah hian a football hun tawp a hmang ta a ni.