Jamshedpur khelmualah Bengaluru

Bengaluru FC chuan tun season Indian Super League-a an match hnuhnung ber an khel dawn a, zanin dar 7:30 hian khualmualah Jamshedpur an lenchilh dawn. 

Edmund Lalrindika leh Sairuatkima te khelhna Bengaluru hian hnehna chang zo lo pawh ni se Indian Super League-ah hmahruaitu an nichiang tawh dawn.

Bengaluru hnaih bertu FC Goa hian an match tawp berah hnehna an chang a, Bengaluru an tlawm a nih chuan an nihrual thei dawn a, mahse head-to-head ah an chhiat zawk avangin Bengaluru hi a chung ber an ni dawn tho a ni.

Chumi awmzia chu I League aṭanga ISL lama insawn club hian ISL-a an season hmasa pahnihah hmahruaitu nichungin season an khar ve ve tihna a ni - season hmasa khan hmahruaitu an lo ni tawh a, mahse final-ah Chennaiyin FC an ngam lo.