RFL Plastics MFA Futsal League Semifinal lut tur hriat dawn

RFL Plastics MFA Futsal League-ah vawiin hian quarterfinal second leg khelh a ni dawn a, Electric Veng Indoor Stadium-a inkhel pali awm tur hi a ngaihnawm vek ang.

Tlai dar 5:00-ah Tuikual North club IDBI Capital leh FC Ramhlun Venglai an inkhel dawn a, an intawn hmasak zawkah 5-5 a ni a. Team ṭha zawka ngaih IDBI Capital-in first leg-ah beisei an pha lo a, RVL erawhin beiseina sang tak an nei thung ang.

Chhinga Veng pawhin Lalhmangaihkima tel lohna Saron Veng lakah 4-3 chauhin an hneh thei a, hei hian semifinal lut tur hriatthiam a ti har. H. Lalbiakthanga hoin Saron Vengin Chhing Veng barakhaih an tum dawn.

FC Bungkawn pawhin champion lai Chanmari Zothan Futsal chu 5-3 in an hneh a, player nei ṭha zawk an chak loh avangin second leg a hmuhnawm phah dawn.

Zonuam FC-in Laipuitlang club Laipui FC lakah goal sarih ngawt an khung a, captain Lalṭhazuala a che ṭha takzet. Laipui FC-in hun tawp lama awmze nei loa an nawr an tuar a, chutihrualin futsal a nih miau avangin goal khat luh chhung a rei lo a, semifinal kawng a la ping lo.