IAF-in shooter a ko

Indian Air Force (IAF) chuan India leh Pakistan inkar buaina avangin ISSF World Cup-a Indian team-a awm mek Rifle shooters Ravi Kumar leh Deepak Kumar te chu in report tura hrilh an ni.

ISSF World Cup hi Delhi-ah neih mek a ni a, Dr Karni Singh Shooting Range-a awm mek Ravi Kumar chuan, "Kan hotuten min ko a, thil thlen dan a zirin kan hnathawh tur a hriat ang. IAF-a kan thawhpui dang chu an duty vek a, kei leh Deepak te chiah chhuak awmchhun kan ni. Tun dinhmunah chuan thil awm dan min hrilh ringawt dawn a, Air Force hmunpuiah kan thlen hunah chuan uluk taka endik kan ni ang," tiin indo inpeih rana an ṭhiante an awm tawh thu a sawi.

Kum 29 mi Ravi chuan, "Deepak nen hian IAF hnuaiah ground staff kan ni a, pilot ni lo mah ila a ṭul a nih chuan indonaah kan kal ang. Shooting (infiamna) hi chu pahnihna chauh a ni a, kan ram hi a pawimawh hmasa ber a ni," tiin a sawi.

Indian shooter pahnih hi shooting world cup neih mekah men's leh mixed team 10m air rifle inelnaah an tel a, final erawh an thleng zo lo ve ve a ni.