Semifinal-ah Paris St-Germain

French Cup champion lai Paris St Germain chuan harsatna lian tawk loin semifinal an in­hlangkai. Thawhṭanni zan quarterfinal inkhelah Angel Di Maria goal hnih bakah Thomas Meunier-a goal khat hmanga Dijon 3-0 a hnehin an tlang.

French champion hian striker rinrawl Edinson Cavani leh Neymar te chu hliam vangin an la chhawr lo a, rawlthar duh­awm Kylian Mbappe chu hahchawlhna hun pek a ni bawk - player ṭha pathum tel lo pawhin goal khung kawngah har­satna an tawk lo.

PSG hian an nomawi kawl lai an humhim thei a nih chuan French Cup-ah a zawna a season nga nan an champion dawn tihna a ni. Thomas Tuchel-a naute hian Inrinni zana League 1 match khel turin Caen an lenchilh dawn, league-ah hian point 17 ngawta an san fal tawh avangin an champion ngei a rinawm tawh bawk.

An ram chhung inelna bakah Champions League lamah pawh PSG hian beiseina an la nei sang. Ole Gunnar Solskjaer-a en­kawl Manchester United chu Old Trafford-ah 2-0 in an luhchhuah tawh a, March 6-ah an lo mikhual ve thung dawn, quarterfinal-a tlang turin an dinhmun a ṭha tawh hle.