Championship-ah Leeds an tawlhthlu

Season thara Premier League khelh ngei tum Leeds United-in Cham­pionship table chung ber luah an tumna chu a tlawlh a, an mikhualna ramah Queens Park Rangers chu 0-1 a ngam loin pa­thumnaah an tla!

QPR tan hian Luke Freeman chuan minute 49-naah he inkhela goal awmchhun hi a khung a, Leeds hian Patrick Bamford leh Stuart Dallas hmangin si phurh sutna remchang nei mah se QPR goalkeeper Joe Lumley chuan ṭha zetin a dan sak ve ve.

Leeds manager Marcelo Biel­sa chuan, "Second half ṭantir lamah khan an rawn khel ṭha a, khat ṭang khan game kalhmang a inthlak danglam ta a ni," tiin an chak loh chhan a sawi.

Premier League club ngaihven hlawh ṭhin Leeds United hian pathumna dinhmun an luah mek a, an chak loh avang hian a chung bera awm Norwich City chu point hnihin an phak lo mek.