Copa del Rey semifinal zaninah khel dawn

Spanish football-a cup inelna ngaihhlut hlawh ber Copa del Rey semifinal pa­hnihna chu zanin dar 1:30 hian khelh a ni dawn a, Valencia chuan second leg khel turin Real Betis an mikhual dawn. 

Real Betis khelmuala team pahnih intawn hma­sak zawkah 2-2 in an lo in­hneh­tawk tawh a, khual­muala goal hnih khung tawhtu Va­lenica dinhmun a ṭha zawk. 

First leg-a an intawn hmasakah hian Real Betis hian minute 54 chhungin 2-0 in hma an hruai hman a, mahse Valencia chian Denis Cheryshev leh Kevin Gameiro hmanga chhanglet lehin second leg atan beiseina an neih phah. 

Valencia zinkawng hi a ngaihnawm hrim hrim - quarterfinal-ah pawh first leg-a 0-1 a an ngam loh hnu Getafe chu 3-1 in an hneh let a, second leg-a an chakna inkhelah hian injury time-ah goal hnih an khung a, an vannei hle. 

Copa del Rey zinkawng avang hian Valencia hi an inringtawk hle ang tih a chiang a, Real Betis hi an match hnuhnung pahniha goal khat chiah chhuaha goal nga khung thei an ni a, an phur vanglai tak a ni ve tho.