Stamford Bridge Big Screen-ah Mizo Chelsea fan-te lang dawn

Premier League club Chelsea FC chuan an club app '5th Stand' tih lar nan khawvel puma official supporters club 300 chuang tan app in download tam siak a buatsaih a, Mizo Chelsea Supporters Club chuan '5th Stand' app hi download tam berin pakhatna an hauh. MCSC hian Chelsea original jersey a player-te signature chuanna pahnih an dawng.

Chelsea FC chuan March 21-a Manchester City an hmachhawn hunah Mizo Chelsea fan-te chu Stamford Bridge-a big screen-ah an pho chhuak dawn a. Blues player-te'n lawmthu sawina video an siamsak bawk ang. London club hian an khelmual Stamford Bridge-ah Mizo Chelsea Supporters Club pual banner an pho chhuak tawh bawk.