Sevilla coach thar Lopetegui

Julen Lopetegui  chuan team enkawl hna a thawk leh tawh dawn a, season thar aṭangin Sevilla a enkawl ang. Spain team enkawl tawhtu hian La Liga club tan hian season thum daih contract a ziak.

Kum 52 mi Lopetegui hi Euro 2018 khelh dawn khan Spain manager ni mah se Real Madrid a enkawl dawn tih a chiang a, Spanish football thuneitu lamin an ram team coach a nihna aṭangin an ban.

Real Madrid-ah beisei angin a cheṭha leh ta si lo, 2018 October thla khan Santiago Bernabeu aṭanga chhuahtir niin a hnu lamah team enkawl a la nei leh lo. Sevilla-ah hian tun season-a parukna nihpuitu Joaquin Caparros a thlak dawn a ni.