Bhutan-ah Mizoram an champion

5th Bhutan Open International Taekwondo Championship chu June 1-3 chhung khan Thimphu, Bhutan-ah khelh a ni a, Mizoram team chuan gold medal pali, silver pathum leh bronze medal pasarih lain poomsae huangah team champion an ni - pahnihna chu Malaysia an ni thung.

Mizoram hi he champion-ship buatsaiha poomsae inelna bikah a zawnin vawi thum an champion ta a, anni aia record nei ṭha an awm lo. Kyorugi inelna huangah chuan gold medal pariat, silver medal pali, bronze medal pathum lain pahnihna an ni a, a thlengtu Bhutan chiah tluk loh an nei a ni.

Bhutan Open vawi nganaah hian ram pali an inel a, India-in team pariat an thawh a, inelna thlengtu Bhutan in team pahnih thawhin Malaysia leh Nepal ten team khat ve ve an thawh bawk. Mizoram aiawh hian player 26 kalin coach Zohmingthanga, Bilkhawthlir leh manager H. Lalṭhazova, Chaltlangin an hruai.