English FA an hausak belh

Football Association chuan BT Group chu inremna thar, pound maktaduai 50 hu kum nga chhung atan an ziahpui a, BT aṭang hian kum tin pound maktaduai 10 an dawng ziah ang. 

Inremna thar ziah a nih tak avang hian tun kar aṭang chuan English FA hnuaia team 28 awmte chu training-naa an thawmhnaw leh thuam an hak reng rengah BT logo a lang tel zel tawh dawn a ni. 

English FA hnuaiah hian mipa leh hmeichhe senior team bakah age level hrang hrang an awm a, futsal leh rualban lo team thlengin an nei tel vek. 

England hian kum 2018 World Cup-a Vauxhall nen bika an thawhhona a tawp hnu khan British car brand hmun ruak luah tur hi an nei lawk lo reng a, tunah chuan BT nen an thawkdun dawn ta a ni. English FA hian sumdawnna thilah tunah hian thawhpui 23 zet a nei mek.