Vietnam lakah Thailand an tlawm

King's Cup khelh mekah inelna thlengtu Thailand-in final an lut zo lo a, Nilaini zan khan Vietnam lakah 0-1 in an tlawm. 

Team pahnih hi extra time an khelh a ngai mai dawn nia a lan hnuah Vietnam-in goal an rawn khung a, Nguyen Anh Duc chuan hun pek belh minute nganaah chakna goal a rawn khung!

Inelna huaihawttu leh thlengtu Thailand-in ṭantu ngah zawk mah se sutna tur hun a awm tawh lo a, a tlawm zawkah an ṭang ta a ni. 

India-in match hmasa berah Curacao an ngam lo tawh bawk a, Thailand nen hian Zirtawpni chhun dar 2:00-ah pathumna an inchuh ang. 

Vietnam leh Curacao hi final-ah an inhmachhawn dawn a, Zirtawpni zan dar 8:00-ah champion nomawi an inchuh ve dawn a ni.