Lewis Hamilton-a'n Ferrari a vengthawng

Lewis Hamilton chuan fal takin Formula 1 championship lamah Mercedes kalpui mah se an elpui team a ngaihthah duh lo. Pathianni zan dar 11:40-a tlan tur Canadian Grand Prix-ah pawh Ferrari chu ven fimkhur an ngaih tur thu a sawi.

F1 season kal laiah Hamilton leh a teammte Valtteri Bottas an che­ṭha tluang hle. Intlansiak paruk an hmachhawn tawhah pakhatna an la in nih chhawk zel a, team dang tan podium chung berah hmun a la awm ve lo. World champion ni lai Hamilton chuan, "Circuit Gilles Villeneuve-ah hian kawng ngil thui tak a awm a, hei hi car leh engine nei ṭha tak Ferrari tan hman ṭangkai theih a ni ang. Tun kar tawp intlansiakah chuan anni hi elpui hautak tak tur an ni ang tih ka ring.

"Mahse, Ferrari chunga rinna ka nghah vang hian ka hlauthawng tihna a ni lo. Keini chu Mercedes kan ni a, world champion leh hmahruai mektu kan ni, keini chuan kawng kawi leh thluak hman a ngaihna laiah zel na takin kan bei leh dawn a ni," a ti.

Britain driver hian tun season-ah vawi li hnehna a chang tawh a, point 137 hmuin hmahruaitu a ni mek - a vawi ruk nan world champion nih a tum mek a ni. Amah hnaih bertu Bottas chuan point 120 a nei ve tawh thung bawk.