Federer a inhnukdawk

Miami Open khelh tur aṭangin Roger Federer chu a inhnukdawk. A hliam dam tawh mah se tournament pangngai khel tur chuan a la inpeih lo deuh a, inbuatsaihna hun neih tam a duh.

Federer-a agent Tony Godsick chuan, "Doha emaw Dubai lama tourney khelh a rilruk a, chumi hma chuan ṭha taka training a neih a ngai. Inelna lian leh hautak khelh nghal a chi ber dawn lo, chuvangin intuaihriam hmasak a ngai," a ti.

Season hmasa khan Federer hian Wimbledon khelh ngei a tum, mahse hri leng vangin grass court inelna lian hi an khel thei lo. Kuminah Australian Open khelh tum leh mah se a la dam fel lo a, a lo kir hun tur hi chiang taka sawi theih a la ni lo.

Miami Open khel tur hian hmeichhe lamah Kim Clijsters chu wildcard pek a ni a, world number 1 hlui hian duhsak a nihna hi pawmin tournament khelh ngei a tum. Belgian star hi 2005 leh 2010 khan Miami Open nomawi hi a lo chawi tawh a ni.