Wawrinka-a'n hnehna a chang

Mexican Open khelh laiah Stan Wawrinka chuan a match hmasa berah fiahna a paltlang nghal. Thawhlehni khan Frances Tiafoe chu 6-3, 6-7 (4-7), 7-6 (7-1) a hnehin second round a inhlangkai.

Swiss star hi seeded pathumna pek a ni a, champion thei tura rinkai ni mah se match hmasa berah a talbuai ang reng hle; hnehna chang tur hian darkar hnih leh minute 45 zet a mamawh.

Grand Slam vawi thum champion tawh Wawrinka hian vawiinah Pedro Martinez Portero a hmachhawn leh ang. Inelna neih ṭan ni hian Tommy Paul leh Marcos Giron te pawhin hnehna an chang ve bawk.

Mexico Open-ah hian Rafael Nadal pawh a inlan, Spain tlangval hian tun hmain vawi hnih hlawhtlinna a lo chang tawh. Vawiin hian a match hnihna a khel dawn a, seeded chang phak lo Miomir Kecmanovic nen an inhmachhawn ang.

Grand Slam vawi 19 champion tawh Nadal tan Australian Open hnua a tournament hmasa ber a ni a, season hmasa khan Mexico-ah hian Nick Kyrgios hneh loin second round-ah a tla, kuminah chetsual nawn loh 

a tum dawn.