India dinhmun a danglam lo
FIFA ranking chhuak thar berah India dinhmun a danglam lo a, Blue Tigers hi khawvel pumpuiah 108-na an ni mek. Igor Stimac-a enkawl team hian kuminah match khelh an la nei miah lo a, December 2019 FIFA Rankings aṭang khan an dinhmun a la ngai reng.
Blue Tigers-in match an khelh hnuhnung ber chu November 2019 khan a ni a, World Cup 2022 qualifier-ah Afghanistan (1-1) leh Oman (1-0) hmachhawnin chak an nei lo.
India hian March 26-ah Qatar (55-na) chu World Cup qualifier khel turin an mikhual dawn a, June-ah Bangladesh (187) leh Afghanistan (149) an hmachhawn leh bawk ang.
Blue Tigers hian qualifier match nga an khelh tawhah hnehna an la chan loh avangin World Cup 2022 khelh beiseina a awm tawh lo a, Asian Cup 2023 beiseina erawh a la awm chhunzawm zel.
Kum tir ala nih avangin khawvel pum ang pawhin kuminah match nei ram an la awm mang lo a, international friendly match 15 chiah a awm - hei vang hian FIFA ranking-a top 20 pawh a danglam lo.
FIFA Ranking Top 20
RNK TEAM TOTAL PREVIOUS
POINTS POINTS
1 Belgium 1765 1765
2 France 1733 1733
3 Brazil 1712 1712
4 England 1661 1661
5 Uruguay 1645 1645
6 Croatia 1642 1642
7 Portugal 1639 1639
8 Spain 1636 1636
9 Argentina 1623 1623
10 Colombia 1622 1622
11 Mexico 1621 1621
12 Switzerland 1608 1608
13 Italy 1607 1607
14 Netherlands 1604 1604
15 Germany 1602 1602
16 Denmark 1598 1598
17 Sweden 1579 1579
17 Chile 1579 1579
19 Poland 1559 1559
20 Senegal 1555 1555
107 Kenya 1199 1199
108 India 1187 1187
109 Central African Republic 1184 1184
110 Faroe Islands 1181 1181