French MotoGP neih hun tur sawn
May 15-17 chhunga neih tura ruahman French MotoGP chu a hunah neih theih a ni dawn lo. Le Mans-a bike intlansiakna hi engtikah nge an neih dawn tih erawh tih chian a la ni thei rih lo.
International motorcycling federation chuan, "Covid-19 vangin engtikah nge season kan tlan ṭan theih ang tih chu hriat a ni ta lo. Harsatna hian engtikah nge min kian san ang tih pawh hriat a la ni lo. French MotoGP pawh ṭhulh ni lo mah se a hun sawn tih bak sawi chian theih a awm rih lo," an ti.
Bike intlansiakna sang ber hi an tlan hmasak ber tur Qatar Grand Prix an ṭhulh a, Spanish leh French GP-te a hun an sawn. Tunah hian Thailand, Texas leh Argentina rama intlansiak neih turte chu dinhmun chiang loah an ding mek bawk.