UFC 238: Henry Cejudo a dingchang

UFC flyweight cham-pion Henry Cejudo chuan bantamweight world title hlawhchhuah belh turin nimin zing khan UFC 238-ah Marlon Moraes chu technical knockout hmangin a hneh a, "Combat infiamna khawvela ropui ber ka ni," a ti zui. 

Chicago-a fight neihah hian Cejudo hi a tir lamah talbuai deuh mah se a insiamṭha thuai a, round thumna tawp turin second kua chiah a awm tawh tihah hnehna a chang ta a ni. Kum 32 mi Cejudo hma hian Conor McGregor, Daniel Cormier leh Amanda Nunes te chu UFC world title pahnih a ruala kawl thei an lo ni tawh a, hetiang dinhmun luah thei fighter-te hi 'champ champ' tiin an ko ṭhin. 

Mahse, Cejudo chuan, "Champ Champ ka ni lo. Ka hming chu 'Triple C' a ni. Olympic leh flyweight champion ni tawh ka ni a, bantamweight champion ka ni leh ta," tiin hming thar a inpe!