Raptors tan match khat chiah ngai ta
NBA champion ni turin Toronto Raptors tan match khat bak hnehna chan a ngai ta lo. Champion lai Golden State Warriors tan erawh nomawi humhim turin 'thil mak' thlentir a ngai tawh dawn.
Inrinni zing NBA Finals game 4 inkhelah Raptors hian 105-92 in hnehna an chang a, series-ah 3-1 in hma an hruai mek. June 11, Thawhlehni zing dar 6:30 hian Scotiabank Arena-ah game 5 khelh a ni ang.
NBA team zingah Finals game thum hloh hnua tho chhuak leh thei chu team pakhat chiah an la awm. 2016 khan Cleveland Cavaliers chuan beisei bo tluka an awm hnuah LeBron James hoin Warriors hi an lehthal a ni.
Game 4 bika point 36 neitu, Raptors forward Kawhi Leonard chuan, "Dawhthei taka kan awm a pawimawh, basket venhim lam ngaih pawimawh bakah a pawimawh huna point neih theih dan kan hriat a pawimawh," a ti. Kum 1995-a din Raptors hian a vawi khat nan NBA Finals an khel a, rinkai lo zawk ni mah se champion turin an dinhmun a ṭha tawh.
Golden State lamin guard Klay Thompson leh forward Kevon Looney te chhawr thei leh tawh mah se beisei an phak rih lo, innghahna Stephen Curry-a'n point 47 a neih hnua a match leh hmasa berah point 27 chiah a neih avangin a team tan a tawk zo lo.
NBA Finals 2019
Series : Golden State Warriors 1 - 3 Toronto Raptors
May 31, Zirtawpni
Game 1: Golden State Warriors 109 - 118 Toronto Raptors
June 3, Thawhṭanni
Game 2: Golden State Warriors 109 - 104 Toronto Raptors
June 6, Ningani
Game 3: Toronto Raptors 123 - 109 Golden State Warriors
June 8, Inrinni
Game 4: Toronto Raptors 105 - 92 Golden State Warriors
June 11, Thawhlehni
Game 5: Golden State Warriors 06:30 AM Toronto Raptors
June 14, Zirtawpni
Game 6: Toronto Raptors 06:30 AM Golden State Warriors
June 17, Thawhṭanni
Game 7: Golden State Warriors 05:30 AM Toronto Raptors