Season hmasa aiin kan car a ṭha - Mercedes technical director

Mercedes chuan season hmasa lama an car hman aiin kumina an hman tur chu a ṭhat zawk thu an sawi, team champion lai an nih bawk si avangin an elpui tan thu hriat nuam tak a ni lem lo ang.Mercedes technical director James Allison chuan, "Thlasik chawlh kan hmang ṭha, midang el loin kan car hmasa aia ṭha zawk neih ngei tumin hma kan la a, tunah hian kan hlawhtlingah kan inngai.

"Khawi ram tlan kawngah pawh ni se team dang kan elphak ka ring a, driver ṭha pahnih kan neih bawk avangin team leh driver championhsip lamah pawh nomawi kan humhim ngei ka beisei," a ti.

F1 team ten Barcelona lama tlan chhinna an neih ṭumin Mercedes driver Lewis Hamilton leh Valtteri Bottas te an tlan chak ber - inrintawkna an nei sang hi a awm hle. March 15 hian season thara inelna hmasa ber atan Australian Grand Prix an tlan ang.