India U19 leh Bulgaria inhnehtawk

Granatkin Memorial Tourna-ment-a an group stage match hnuhnung berah India chuan 1-1 in Bulgaria an inhnehtawkpui a, group A-ah point khat nei chungin palina an ni. 

Petrovsky Stadium, Russia-a inkhelah India tan Muhammed Rafi chuan an lamah a tih luh avangin minute sarihna lekah Bulgaria-in hma an hruai a, Blue Tigers an talbuai. India tan second half ṭantirah Akash Mishra chuan si phurh a rawn sut a, mahse goal dang erawh an nei thei lo; 1-1 in an inhnehtawk a, India-in playoff match hnih an khelh leh a ngaih phah. 

Blue Tigers hian Bulgaria hneh se chuan an group-ah pathumna an ni ang a, playoff khelh a ngai tawh dawn lo. Mahse, hnehna an chan zawh tak si lohah chuan Group B leh C-a mawngphah luahtu team pahnih an tum leh ang a, table-a 10-na dinhmun luah tur an zawng dawn. 

India hian vawiinah match an nei lehnghal dawn a, playoff-a an tum tur erawh nimin inkhel result a zirin danglam thei a la ni. Blue Tigers hian an match hmasa pahnihah Russia (3-0) leh Moldova (2-1) an ngam lo tawh a, match thum an khelhah hian Mizo rawlthar Lalchhanhima Sailo chu bench aṭang vekin a lut.