Mizoramin Arunachal an hneh lo

Hero Sub-Junior Girls’ National Football Championship-ah Mizoram chuan an match hmasa berah Himachal Pradesh 3-1 in hneh mah se nimin khan Arunachal Pradesh 3-1 in an hneh lo.

Mizoram hian Sandra hmangin minute 10-na lekah goal an khung hmasa a, Arunachal hian first half minute 32-naah an sut. Second half-ah Arunachal-in goal hnih an khung belh a, Mizoram lamin an chance ṭha neih an khung lo thung.

Mizoram coach Anand Gurung chuan, "Kan chance ṭha neih kan khung loh a pawi a, khua a lum avangin second half-ah kan theihna kan lantir thei tawh lo te pawh a ni ang. Amaherawhchu beisei tur tlem kan la nei a, goal sur tir a ṭul dawn a ni," tiin Vanglaini a hrilh.

Inelna hi Cuttack, Odisha-ah neih a ni a, Mizoram hian match hnuhnung berah June 12 hian Andhra Pradesh an hmachhawn dawn. Group khat aṭangin pakhat chauh luh tur a nih avangin Mizoram hi Arunachal Pradesh leh Himachal Pradesh inkhel result-ah an innghat ang.