MSL6 final khel tur a chiang Zarkawt BCA vs Khatla TBL

Mizoram Super League season 7 final khel tur a chiang ta, league round lama team ṭha pahnih Zarkawt BCA leh Khatla TBL ten a thiam ber nih an inchuh dawn. Final khelh hun atan March 9, Thawhlehni ruahman a ni a, tih chian erawh a la ni lo thung.

Hawla Indoor Stadium, Republic Vengthlangah Ningani khan semifinal game 2 khelh niin, champion lai Zarkawt BCA chuan Tuikual South lakah 86-76 in hnehna an chang a, match hmasa zawkah an chak tawh bawk avangin game 3 khelh a ngai lo.

Semifinal inkhel hnuhnung zawkah pawh Khatla TBL tan harsatna a awm lo. MSL vawi hnih champion tawh hian Chanmari Vikings chu 93-61 in an hneh a, best of three series chu 2-0 in an la.

Vawiin hian relegation playoff game 3 khelh a ni dawn. Chawnpui leh Ramhlun Sporting Club an inkhel ang, a chak zawk hian MSL qualifier lama pahnihna an hmachhawn leh dawn a, chumi a chak zawk chuan MSL7 an khel ang.