A tawpah Bucks vannei zawk
Hun tawp dawn 39.1 seconds chauh awm tawhah hmahruaitu vawi nga ngawt an inthlak hman! Hamrik hnuhnung ber a rik hma chiahin Jrue Holiday-a'n point a neih belh zeuh a, a team Milwaukee Bucks chu Memphis Grizzlies lakah 112-111 in hnehna a chanpui.
Bucks tan nidang ang bawkin Giannis Antetokounmpo chu a langsar. Greek tlangval hian point 26 bakah rebound vawi 11 a la a, Khris Middleton pawhin point 22 neiin a thawh hlawk hle.
Inkhel dangah Stephen Curry tel loa khel Golden State Warriors an chak lo, GSW hi Phoenix Suns lakah 120-98 ngawtin an mualpho. Warriors hian season kal laiah vawi 19 hnehna an chang tawh a, table-ah pakuana niin playoff khel phak lo chinah an awm mek.
NBA Results
Milwaukee Bucks 112 - 111 Memphis Grizzlies
Washington Wizards 119 - 117 Los Angeles Clippers
Miami Heat 103 - 93 New Orleans Pelicans
Denver Nuggets 113 - 103 Indiana Pacers
Phoenix Suns 120 - 98 Golden State Warriors
Boston Celtics 132 - 125 Toronto Raptors
New York Knicks 114 - 104 Detroit Pistons
Portland Trail Blazers 123 - 119 Sacramento Kings
Oklahoma City Thunder 107 - 102 San Antonio Spurs