Aizawl FC an awl dawn
Vawiin hian I League relegation stage khelh ṭan a ni dawn a, team nga an awm avangin round hmasa berah Mizo club Aizawl FC an awl. I League aṭangin team pakhat an relegate dawn a, tun season-a inlei tling Sudeva Delhi leh rawlthar ṭha rual dahkhawmna Indian Arrows an relegate thei lo. Aizawl FC, Chennai City leh Neroca aṭangin an relegate dawn tihna a ni.
Chennai City-in vawiin tlai dar 2:00-ah Sudeva Delhi an hmachhawn dawn a, Neroca aia point khat chauha an hmuh tam avangin chak ngei an mamawh. Manipur club Neroca tan pawhin I League khelh an duh a nih chuan zanin dar 7:00-ah Indian Arrows an hneh a ngai ve bawk.
Relegation Stage
March 6, Inrinni
Chennai City 2:00 PM Sudeva Delhi
Indian Arrows 7:00 PM Neroca
March 11, Ningani
Neroca 2:00 PM Aizawl FC
Indian Arrows 7:00 PM Chennai City