Churchill-in Kashmir an hneh

Nimin tlai I League inkhel pawimawhah Churchill Brothers-in champion tura a elpui Real Kashmir 2-1 in an hneh a, pakhatna dinhmun an sawhnghet. Salt Lake Stadium-ah Churchill tana Luka Majcen (45+1') khung chu Real Kashmir-in Lukman Adefemi (68') hmangin sut mah se Goan cub tan Fredsan Marshal-a'n injury time minute linaah chakna goal a khung.

Championship Stage zawnnaah hian team ruk chiah an awm tawh a, Churchill tan match li chauh khelh tur a awm tawh. Phase 1 khelh zawh a nih khan Goan club hi Kashmir aiin point ngain an sang a, tun ṭuma an hneh leh bawk avangin point riatin an sang tawh. Hemi a nih avang hian Real Kashmir champion beiseina a tawpah a ngaih theih a ni.

Churchill head coach Fernando Varela chuan, "A tawp thlengin theihtawp chhuah ṭhin team kan ni a, ka player-te rilru put hmangin min ti lawm hle," tiin a sawi.