Halep a inhnukdawk

Kar leh chhunga khelh tur Dubai Tennis Championship-ah champion lai Simona Halep a inlan thei dawn lo. Romanian nula hi a hnungzâng na vangin enkawl a ngai a, a inhnukdawk a ni.

World number 3 Halep hi tun kara khelh Qatar Open-ah pawh a inlan thei lo, a hliam vang hian thla hmasa a khelh zawh tak Australian Open hnuah a la inkhel leh lo. Melbourne Park-ah khan quarterfinal-ah Serena Williams a ngam lo.

Kum 29 mi Halep chuan, "Ka hliam a la dam chiang thei lo, 100% a fit lo chuan tournament khelh chi a ni lo. Hliam na zawk a thlen loh nan inenkawl dam hmasak phawt a ngai," tiin a dinhmun a sawi.

Halep hma hian world number 1 Ashleigh Barty pawh hliam vangin a inlan thei dawn lo, player dangte tan nomawi chawi theihna kawngka a inhawng zau sawt dawn tihna a ni ang.