McLaren driver-in hlawh la kim dawn lo
McLaren driver pahnih Carlos Sainz leh Lando Norris chuan an hlawh an la kim dawn lo. Hlawh an lak tlem chhan hi Covid-19 vanga Formula 1 a kal mumal theih loh vang a ni a, an team ṭanpui let nana an tih a ni.
British rama inbengbel F1 team hian an ram sorkar dan leh hrai angin a nghet loa hna thawk an chhawr pawh an hlawh 80% tal an pe ve thung dawn a, hri leng vangin harsatna tawk mah se theih tawk chinah an inpui tawn.
McLaren thu puangtu chuan, "Covid-19 vangin infiamna leh sumdawnna pawh a buai mek, hei vang hian team pawhin harsatna kan tawk. Driver ten hlawh an la kim dawn lo a, hei hian hna thawktu tam tak a pui let thung ang," an ti.
Car intlansiakna sang ber F1 hi inelna an neih hmasak tur pariat chu neih theih a ni rih lo, engtikah nge season an ṭan dawn tih pawh hriat a ni rih lo. F1 CEO Chase Carey chuan intlansiak 15-18 vel neia season an hman theih a beisei thu a lo sawi tawh.