Boxer Kimkimi chefuh

3rd Youth National Women's and Men's Championship 2019 neih mekah MC Vankimmawii (Kimkimi) a che fuh chho zel a, Ramhlun South boxer hian semifinal a inhnek thleng ta.

Thawhlehni khan Uttara­khand-ah quarter­final khelh niin 57kg huang­ah Kimkimi hian Kerala boxer a hma­chhawn a, harsa lo takin 5-0 in a hneh - judge zawng zawngin chak zawkah an puang. Mizoram aiawh a feh chhuak zingah Kimkimi chiah hi dam a awm tawh a, nizan khan Madhya Pradesh mi Radha Patidar nen semifinal khel lehin he thu buatsaih lai hian result kan hre hman lo.

Tun hmain Kimkimi hian Arm Wrestling-ah pawh state leh national level-ah medal a la nual tawh a, National Arm Wrestling championship awm turah Mizoram aiawha kal tur a thlan a ni bawk. Mizoram team hi coach pathum - Rosema Col­ney, Jonathan leh R. Lal­biaksangi ten an hruai a ni.