US athlete Grunewald a thi

United States dis­tance runner Gabriele Grunewald chu kum 10 chhung zet cancer natna vanga a buai hnuah nimin khan a thi a, kum 32 mi a ni.

Grunewald hi 2014 khan 3,000m indoor champion a ni a, 1500m tlan bikah chuan US hmeichhe athlete zinga tlanchak 12-na a ni phak hial. Infiammi beisei awm tak ni mah se 'metastatic cancer' vangin harsatna a nei a, huaisen leh chhel takin a natna ni kum 10 chhung zet chu a do let.

Grunewald-i pasal Justin Grunewald chuan a nupui thih thu sawiin, "Na hrehawm lutuk tuar loin thlamuang takin a chawl ta. Ka hringnuna chona min siamtu, min fuih phur ṭhintu, ka nupui leh ṭhian ṭha ni bawk, inhmuh leh hun ka nghakhlel," tiin Insta­gram-ah a tarlang a ni.

US Olympic Commit­tee pawhin Grunewald an chan chu pawi an tih thu sawiin, "Hun harsa i hmachhawn dan hian ṭangthar leh natna nei dangte tan chona a siam ngei kan ring. US Team chuan nangmah aṭang hian thil tam tak a la zir chhuak dawn a ni," an ti.