Mizoram beiseina siamtu goal 12

Hero Sub-Junior Girls’ National Football Championship 2019-20-ah Mizoram chuan nimin khan group match hnuhnung ber an khel a, Andhra Pradesh 12-0 in an sawp.

Cuttack, Odisha-a inkhelah hian Mizoram tan Malsawmtluangi (5goals), Gladys Zonunsangi (3), Jenny Zothanmawii (1), Daisy Lalhlimpuii (1) leh Sandra Beipieso (1) ten an khung. Coach Anand Gurung-a kaihhruai team hian Andhra Pradesh bakah Himachal Pradesh (3-1) hneh mah se Arunachal Pradesh an hneh lo avangin inkhel dang result-ah an innghat.

Arunachal Pradesh hian June 14-ah Andhra Pradesh an hmachhawn ang a, point an hlawh chhuak hrim hrim a nih chuan Mizoram an tla ang. Mizoram coach Anand Gurung chuan, "Kan player-te khaw lumah an khel thiam ṭan a, match hmasa ber thlir chuan match thumnaah chuan kan game a nalh a, thahrui kan ngah zawk bawk. Quaterfinal kan thleng pha ta lo a nih pawhin kum thar atan beiseina sang tak kan nei a ni," tiin Vanglaini a hrilh.