Chris Froome a hliam na

Tour de France vawi li champion tawh Chris Froome chu cycle khalhnaah a chetsual avangin damdawi-inah pawh intensive care unit (ICU) ah dah a ni.

Kum 34 mi Froome hi 54 kmph a chakin a tlan a, thli rawn thleh thutin a cycle ke hmalam a rawn chhem avangin a talbuai a, bang a su. Froome hi zai turin Saint-Etienne University Hospital-ah thlawhpui nghal a ni.

British cyclist hi a chetsualna avang hian a malpui ruh, a khel bawr leh a kiu te a khi a, bang a sut hian nikhaw hre loin a awm bawk. Froome-a telna Team Ineos-a an hotu Dave Brailsford chuan, "Insuah hian  satliah leh na taka chesual a awm a, tun ṭuma mi hi chu a hnuhnunga mi ang hi a ni. Intlansiaknaah a rawn let leh theih ka beisei," tiin a sawi.