AIFF-in nuai 25 a thawh
India rama football thuneitu sang ber All India Football Federation (AIFF) chuan Covid-19 darh zel tur do nan cheng nuai 25 an thawh a, an sum thawh hi Prime Minister CARES Fund-ah chhun luh a ni.
AIFF president Praful Patel chuan, "Kan theihna zawna kan ram kan ṭanpui let hun a lo thleng ve ta a, he hri leng darh zel tur ven nan hian kan thawh ho a, theihtawp kan chhuah ho hi a pawimawh takzet a ni," a ti.
Indian FA hian March 14 aṭang khan an hnuaia hnathawkte chu in lam aṭanga hna thawk mai turin thu a lo pe tawh a, AIFF hnuaia inelna awm zawng zawng pawh chawlh lailawk a ni.
AIFF chuan Indian Football Team-a player-ten an theihna zawn ṭheuhah coronavirus do nan tha an thawh reng thu an sawi bawk.