Karate team-in medal pali an dawng
Senior & Sub Junior National Karate Championship 2019 khelh mekah Mizoram team chuan medal pali an hlawh chhuak a, Talkatora Indoor Stadium, New Delhi-a inelna neih hi vawiinah kharna hun hman a ni ang.
Mizoram hian silver leh bronze medal pahnih ve ve an dawng a, India ram karate inelna pui leh lian berah hian state zawng zawng bakah club leh military aṭangin infiammi 2400 vel zet an pungkhawm a ni.
All Mizoram Karate Association (AMKA) leh Mizoram State Sports Council tirh a kal Mizoram team hi sensei Malsawmzuala, Ramhlun South leh sensei R. Malsawmtluanga te chuan an hruai a ni.
Mizoram tana medal late:
1 Melody Lalremruati (Salem Veng, Silver -40kg Kumite)
2 Lalsangzuali (Tuikual North, Silverl -45kg Kumite)
3 Vanlalsiamkima (Tuikual North, Bronze Individual Kata)
4 Lalrinzuali (Tuikual North, Bronze -55Kgs Kumite)