Dillian Whyte-a'n UFC lam a hawi
British heavyweight boxer Dillian Whyte chuan Russian fighter Alexander Povetkin nena an inhnek hun tur sawn a nih hnuah UFC lam a hawi a, UFC preisdent Dana White chu, "Min lo be rawh," tiin a hrilh!
Whyte hi May 2-ah Povetkin nen inhnek tura tih an ni a, mahse Covid-19 hri leng vangin boxer pahnih intawn hun tur hi July 4-ah sawn a ni.
Kum 31 mi boxer hian a inhnek leh hun tur rei tak nghah a duh lo a, Dana White a koh bakah UFC heavyweight fighter ṭhenkhat hming a lam zui - a tha a za!
Whyte hian UFC world champion vawi hnih lo ni tawh Stipe Miocic hming lam chhuakin, "Min hnek thluk ngei a duh ang a, mahse chutiang a thlen hma chuan tui taka mu turin ka mangṭha hman ang," a ti a, a cho hle.
London tlangval hian a duhtawk mai lo. Cameroonian fighter Francis Ngannou chu a knockout theih tur thu a sawi zui a, "Mi le lo tak a ni," tiin a ṭawngkam pawh a duh tui lo hle.
Vawi 28 inhnek a hmachhawna vawi khat chiah la tlawm Whyte hi UFC-ah lut pawh ni se dah san loh ngawt chi a ni lo - British kickboxing champion vawi hnih a nih theih avangin ke hman pawh a thiam ang tih hriat tel a ṭha.