League round hma-hruaitu BCA
Mizoram Super League champion lai Zarkawt BCA chuan Zirtawpni zan khan Hawla Indoor Stadium-ah Khatla TBL chu 84-62 in an hneh a, MBBA Season Opening Tournament khelh mekah chak vek awmchhun niin league round hmahruaitu an ni.
League round hi Thawhlehni zan hian khelh zawh a ni dawn a, semifinal khel tur a hriat ang. Chanmari Vikings chuan Chawnpui BC 75 - 57 a an hneh avangin semifinal lut turin an dinhmun a ṭha a, table mawngphaha awm Ramhlun Sporting Club nen an inkhel ang.
Tuikual South BC-in Ramhlun Sporting Club (81-54) an hneh avangin beiseina thar nei mah se match tawp bera an hmachhawn tur hi la chak vek Zarkawt BCA an ni a. Amaherawhchu, an elpui Chawnpui BC-in team ṭha Khatla TBL an hmachhawn dawn avangin league round hnuhnung ber hi a ngaihnawm a, round khat chauh khelh tur a awm chungin semifinal lut tur hi sawi lawk theih a la ni lo.
June 13, Ningani
Chawnpui BC 59 - 65 Ramhlun Sporting Club
Zarkawt BCA 63 - 60 Chanmari Vikings
Tuikual South 91 - 97 Khatla TBL
June 14, Zirtawpni
Zarkawt BCA 84 - 62 Khatla TBL
Tuikual South BC 81 - 54 Ramhlun Sporting Club
Chanmari Vikings 75 - 57 Chawnpui BC
June 18, Thawhlehni
Chanmari Vikings 4:00 PM Ramhlun Sporting Club
Khatla TBL 6:00 PM Chawnpui BC
Zarkawt BCA 8:00 PM Tuikual South BC