Birmingham-ah player langsar

Wimbledon inbuat-saihna tournament zinga pakhat Nature Valley Classic-ah hmeichhe player langsar an tel hnem dawn hle, world ranking-a a sang 10 zinga panga an inlan ang.

Birmingham-a inelna neih turah hian world number 1 Naomi Osaka,  leh French Open champion ni bawk Ashleigh Barty leh number 3 Karolina Pliskova te chu champion tura rinkai an ni a, Elina Svitolina leh Aryna Sabalenka te pawh an hnawksak thei dawn.

Venus Williams chu duhsak takin wildcard pek a ni a, Wimbledon vawi nga champion tawh hi a inkhelh thiamna hmunah tawnhriat nei tlem zawk te nek chhuak turin a la ṭha tawk bawk. Inelna hi June 23 thleng khelh tur a ni, grass court inelna lian ber Wimbledon chu July 1 aṭanga khelh tur a nih avangin player tan inbuatsaihna tur hmun leh hun duhthusam a ni.