I Day Veteran Football
Mizoram Football Asso-ciation Veteran Committee chuan Independence Day Veteran Football khelh dan tur ruahmanna a siam zo a, club inelna anga kalpui tur a ni. Inelna hmachhawn duh apiangin MFA Veteran Committee ruahmanna ang an tlin chuan club/team a din theih ang.
Veng/khaw team ang pawhin a chhuah theih a, ṭhianho intel khawm, tun hmaa footballer hlui insawm khawm, pavalai team pawh ni se a tel theih vek dâwn a, felfai taka registration tih thlap a ṭul thung ang.
Ruahmanna chu
1. Team: He Tournament hi club anga inelna tur a ni. Team/club tin ten MFA Veteran Committee registration incharge-ah ziah luh (Affiliate) fel tur a ni.
2. Player: Team khatah player 20 aia tlem lo, 25 aia tam lo leh official pathum (20-25+3 officials) ziah luh tur an ni.
3. Kum bithliah: Playing Eleven-ah hetiang hian player an awm reng tur a ni ang
Kum 40-44 inkar player panga (5)
Kum 45-49 inkar player pali (4)
Kum 50 chung lam player pahnih(2)
Substitution siam dâwn pawhin kum bithliah chhunga mi chauh inthlak phal a ni. Hei vang hian player inziah luh dawnah kum bithliah awm sa mila team/club din a ṭul ang.
Registration:
a) July 1-20, 2019 chhungin Club Registration hi MFA Office, City Park-ah tihfel tur a ni.
b) Registration fee a awm lovang.
c) Registration tihfel hunah player-te Aadhar Card emaw Voter ID original ken tur a ni (Soft copy leh hard copy thehluh tur a ni).
d) Dual Registration phal a ni lo. Player zingah dual registration ti an lo awm chuan a duhna zawk club tan a khel ang.
e) Entry fee: Team leh player registration thehluh rualin Tournament Entry Fee team khat tan Rs 500/- thehluh nghal tur a ni.
f) Team Colour: Registration tih rualin club jersey rawng hriattir nghal tur a ni.
Mizoram Football Association chuan veteran team a tam thei ang ber indin a, MFA Veteran Committee hnuaia inziak lut a, tun season MFA Veteran Football inelna hrang hranga tel turin a sawm a ni.