Federer khumtu Djokovic
Novak Djokovic chu mipa tennis world number 1 ni rei thei ber a ni ta. Serbian star hi tun karah number 1 ni chhunzawm a, chawlhkar 311 zet a chung bera awm tawh in Roger Federer (310) a khum chiah.
Grand Slam vawi 18 champion tawh Djokovic hian 2011 July khan a vawi khat nan number 1 dinhmun a luah a, tlak hniam chang nei mah se a chung berah hian ṭum nga a lawn leh thei a ni.
Kum 33 mi Djokovic chuan, "Player ropui leh sulhnu nei ṭhate huanga ka hming a chuang ve tawh tur hi ka lawm. Naupan lai aṭanga duhthusam leh suangtuahna kha a takin a lo thleng dik a ni," a ti. ATP chairman Andrea Gaudenzi chuan Novak a fak ve bawk.
# Player Ram Kar (Weeks)
1 Novak Djokovic SRB 311
2 Roger Federer SUI 310
3 Pete Sampras USA 286
4 Ivan Lendl CZE 270
5 Jimmy Connors USA 268