Swiss Open champion Marin

Swiss Open Super 300 khelh zawh takah Carolina Marin a thiam ber. Spanish nula hian final inkhel hmuhnawm takah PV Sindhu chu minute 35 chhungin 21-12, 21-5 in a hneh.

Basel khawpuia inkhelah a tir aṭanga a tawp thlengin Marin a chungnung, tun hnai an intawn hnuhnung pathumah Sindhu a chak lo vek. Rio Olympic gold medal match-ah pawh Marin bawk a chungnung.

World champion ni lai Sindhu pawhin tun hnaiah hma a sawn tih a lang, chutih rualin Rio khawpuia a ngam loh hi hneh dan a zir chhuak a nih loh chuan Tokyo Olympic-ah pawh chungnung zawk nih a harsa dawn.

March 17-21 chhung hian inelna lian leh ngaihhlut All England Championship khelh a ni leh dawn a, Birmingham khawpuiah khawvel badminton player ṭha an fuan khawm ang - Olympic qualifier a ni nghal ang.