Futsal Thuthar

Mizoram Football Asso-ciation Futsal Committee chuan 2019-2020 season lo awm tur atan ruahmanna a siam thar

Registration: MFA hnuaia futsal club awm sate leh club thar siam duh tan 2019-2020 season atan registration hun hawn mek a ni. June 21, Zirtawpni thlengin MFA Office, City Park-ah registration form hi a lakchhuah theih a, June 24-27 chhungin thehluh tur a ni.

MFA hnuaia club awm sate (League club leh Division One club) pawh a thara registration tih leh vek a ngai a, Division One club ni thar duhte tan pawh registration hi hawn a ni. Veteran club-te tan a hranpaa registration tih a ngai lo a, tournament khelh dawnah tihfel mai ṭhin tur a ni. Hre chiang duh tan MFA Futsal Committee secretary Lalrinfela (9774393985) biak pawh theih a ni ang.

Calendar: 2019-2020 season chhungin heng inelnate hi buatsaih turin MFA Futsal Committee chuan a rel a, heng bakah hian hun leh hmun awm dan azirin inelna dangte pawh buatsaih a tum.

July - August: League Club, Division One, Veteran Season Opening Tournament

September: Inter College Futsal 

October - November: Division One Mid Season Tournament, Women's Tournament

February - March: MFA Futsal League, Division One & Veteran Tournament

•    Hun leh hmun awm dan azirin hmeichhe tournament leh kum bithliah inelna pawh buatsaih tum a ni

Coach Education: Asian Football Confederation-in India rama futsal tihlarna tura ruahmanna a siam kal zelah AFC Level One Futsal Course chu AIFF ruahman angin July thla chhung hian Mizoramah nghah a ni dawn. Mizorama coach-te mai bakah state dang aṭanga futsal coach-te pawhin training hi an nei dawn a, instructor hi AFC lamin an rawn tir ang.