AFC U20 Futsal Championship Afghanistan-in final an lut!

Asia khawmualpuia player kum 20 hnuai lam Futsal hmanga inelna, AFC U 20 Futsal Championship-ah Afghanistan-in final an lut a, semifinal-ah 4-3 in Indonesia an hneh. 

Japan chuan semifinal dangah 8-4 in Iran an sawp bawk a, zanin dar 6:30-ah Afghanistan nen cham­pion nih an inchuh ang. Vawiin tlai dar 4:00-ah semifinal-a chak lo Iran leh Indone­sia ten pathumna nih an inchuh ang - AFC YouTube channel-ah en theih a ni ang.

Iran khawpui Tabriz-a neih inelnaah hian team 12 an inlan a, group palia a sang pahnih ṭheuhin quarterfinal an lut. Afghanistan hian match hnihah vawi khat chak chungin quarterfinal an lut a, Thailand an hneh zui. Semifinal-ah extra time-ah rin loh takin Indo­nesia an hneh leh a, Japan an hneh chuan infiamna khawvela Afghanistan hming pholanna rem­chang tak a ni ang. 

Japan erawh match an khelh tawh zawng zawnga chak vek chunga final lut an ni a, champion tura beisei zawk an ni ang.