Ageas Bowl-ah World Test C'ship final khel dawn

BCCI president Sourav Ganguly chuan World Test Championship hmasa ber final chu Ageas Bowl Stadium, Southampton-ah June 18-22 chungin khelh a ni dawn tih Thawhṭanni khan a nemnghet.

Ruahmanna hmasaah chuan final hi Lord's-a khelh tur a ni a, amaherawhchu Southampton-a stadium chhungah hian five-star mikhual thlenna a awm nghal avangin Angeas Bowl-ah hian nghah a ni ta zawk.

WTC final-ah hian India leh New Zealand an khel dawn. Ganguly chuan, "Final hi Ageas Bowl-ah an khel dawn tih a chiang. Keipawhin final hi en ve ngei ka tum a, New Zealand hi kan hneh theih ngei ka beisei," tiin a sawi.