AFC U20 Futsal Championship Japan an thiam ber

AFC Under 20 Futsal Championship chu khelh zawh a ni ta a, Japan chuan champion nomawi chawi turin Afghanistan chu 3-1 in an hneh. 

Japan tan Takahashi Yudai, Osawa Masashi leh goalkeeper Tabuchi Hiroshi ten goal khat ṭheuh an khung a, Afghanistan tana Hamid Reza Hossaini goal khungin awmzia a nei lo. 

Afghanistan coach Abdul Razaq Momrak chuan, "Kan tan chuan final luh pawh hi thil theih loh ang maia lang a ni a, kan thlen chin hi kan ram tan hmasawnna ropui tak a ni," a ti. 

Asian Football Confederation hnuaia inelna hrim hrimah Afghanistan-in final an luh vawi khatna a ni a, Abdul Razaq sawi angin an thlen chin ringawt pawh inchhuanna tham a ni.

Inelna thlengtu Iran chuan pathumna dinhmun an luah a, semifinal-a Afghanistan ngam lotu Indonesia chu 9-1 ngawtin an sawp!