Season opening champion Zarkawt BCA

Mizoram Basketball Asso-ciation (MBBA) Season Opening Tournament-ah Zarkawt BCA chuan Inrinni zan khan Khatla TBL 63-61 a hnehin an champion. BCA guard Remsanga chu Most Valuable Player atan thlan a ni.

Hawla Indoor Stadium-a inkhelah MSL champion lai BCA tan hian Lalrina Renthei (20pts),  Zonunsanga (15) leh Remsanga (15) te an khel ṭha hle. Khatla TBL tan semifinal-a inlan lo H. Laldinsanga (Mapuia) final-ah khel mah se danglamna a thlen pha lo a, nomawi hlawhchhuah nan Ṭhazuala (20pts) leh Vanchuangpuia (11) te chet ṭhat a tawk lo bawk.

Inelnaah tournament ranking zawn nghal a ni a, pathumna inchuhnaah Chanmari Vikings chuan Ramhlun SC 95-65 a hnehin pathumna a ni. Ningani zan khan pangana zawnna neih a ni tawh bawk a, Tuikual South chuan Chawnpui BC 81-74 in a hneh.

1. Zarkawt BCA

2. Khatla TBL

3. Chanmari Vikings

4. Ramhlun SC

5. Tuikual South

6. Chawnpui BC